Ïoh nongkitkam thymmai ka HNYM SWKH, shimti u Bah Amstrong Shylla kum u President

Mawkyrwat, ‘Nailur, 18: Ka Hynñiewtrep National Youth Movement (HNYM) jong ka South West Khasi Hills District mynta ka sngi ka la ïoh ban jied ïa ki nongkitkam ba thymmai bad kane ka dei ruh ka sien kaba nyngkong ba la seng ïa ka hapoh jong ka South West Khasi Hills District ha kaba u Louis Dohtdong, President ka HNYM, Central Body u la long u kongsan bad u nongpyntiansmai.
Ïa ki nongkitkam ba thymmai jong ka Hynñiewtrep National Youth Movement (HNYM), South West Khasi Hills District ba la pyntian smai mynta ka sngi ki long President u bah Amstrong Shylla, Vice President u bah M. Thongni bad u bah Derik Nongrem, General Secretary u bah Twaiding Thongni, Assistant General Secretary u Wanboklang Shangdiar, Organising Secretary u Maiantis Lyngkhoi, Publicity Secretary u S.K. Kharai, Assistant Publicity Secretary u F. Jyrwa, Education Secretary u Teshmilan Wahlang, Assistant Education Secretary kong I. Jyrwa, Sports Secretary u Colin Shangdiar, Assistant Sports Secretary u Soljohnsing Lyngdoh, Finance Secretary u Khrawbor Syiemlieh, Environment & Cultural Secretary u Shongdor Nongsiej, Agricultural Secretary u Phailo Syiemlieh, Disciplinary Secretary u Sunshine Shangdiar, Chief Organiser u O.M. Shylla bad kiwei kiwei de kynthup ruh ïa ki 11 ngut ki dkhot.
Ïa kane ka jingïalang pyntiansmai ïa ki nongkitkam ba thymmai jong ka HMYM la pynlong hapoh jong ka Women’s Hostel Hall, Sngap Syiem College, Mawkyrwat kaba don hapoh Shnong Mawlangwir.
Ha kane ka sngi la ïadonlang ruh u Secretary Shnong Mawkyrwat, u bah W.L. Snaitang, u Vice President ka Seng Samla Shnong Mawkyrwat, u bah S.W. Nongrum, u President ka VDP Mawkyrwat, bah J.F. Iawphniaw lem bad ki dkhot jong ka Hynñiewtrep National Youth Movement (HNYM) Central Body bad na Nongstoiñ kumjuh.