Jowai, Nailar 23: Ka Hynñiewtrep National Youth Front (HNYF), Laskeiñ Block Area Circle, ka la pynlong ïa ka jingpynbam smai ïa ki nongkitkam ba thymmai ha kane ka 22/08/2025 ha Roilang LP School, Mokaiaw, ha ka jingïalang kaba la ïadonlang u President Sengkmie u Babu Sadon Blah ryngkat u President West Jaiñtia Zone u Strongpillar Talang, President East Jaintia Zone, Sadly Ryngkhlem, General Secretary Sengkmie Tyllibor Swer, u Chairman Jaintia Hills, Pynbiang Rymbai lem bad kiwei de. Ïaka jingïalang la pynïaid da u Samla Pynbiang Rymbai, katba ïaka jing pynbam smai la leh da u Babu S.K. Blah.
Ïa kane ka Circle ka ban ithuh noh daka HNYF Laskeiñ Block Area Circle ki nongkitkam ba thymmai ki long, President Namrhen Dkhar, Vice President Mewan Khlem, General Secretary Hamaya Lapasam, Assistant Secretary Sanki Ryngkhlem, Publicity Secretary Lasoki Papang, Organising Secretary Emburon Sayoo, Disciplinary Secretary Sowanki Suiam Art and Culture Secretary Eki Lamare, Education Secretary Dinmiki Pyrthut, Sports Secretary Sooki Bamon, Environment Secretary Pyndap Shylla, Finance Secretaries Arki Lapasam bad kong Manda Lyngdoh, Adviser Chibor Bareh, lem bad bad 15 ngut ki dkhot EC.
Ha kane ka sngi, la ïoh ruh ban pynsngew shaphang ki nongrim bad ki thong jong ka seng da u President Sengkmie, katba ki nongïalam na ka Central Executive Committee (CEC), ki la ai ruh ki kyntien sneng ban pynkhlaiñ ïa katei ka Circle ba thymmai. Kumjuh ruh la kyntu jur ba ka jingïatylli bad ka jing shakri hok kadei ban long ka nongrim treikam jong baroh ki nongkitkam ka seng. Ïa kane ka kyrwoh la phah da u Chairman Jaiñtia Hills, Pynbiang Rymbai.
