Shillong, Risaw 28 : Ki Pulit ka Ri-Bhoi District, kila ïoh kurup ïa ka song pisa ba T.12.5 lak na ki arngut ki briew ha ka step sngi Ba-ar, ïa kaba la suba ba dei ka pisa kam be-aiñ.
Kat kum ka jingong u Superintendent of Police V Rathore, kine ki arngut ki briew kila wan da kawei ka Maruti Swift ba don u nombor AS01-FN-2132 na Shillong sha Guwahati, ha ka por ba la pynïeng ïa ki ha ka jingtalasi kali. Ki Pulit kila talasi ïa ka pla bad lap ïa kane ka pisa.
ïa kane ka kali bad ki briew la rah sha Police Station ba kin nang pynthikna bad pynlong ïa ka jingtohkit.
Ki Pulit ki dang pyrshang ban wad ïa ka thymmei jong kane ka pisa bad la ka don jingïadei bad kino kino ki kam beaiñ.
