Shillong, Nohprah 12: Ka Meghalaya kala ïoh pdiang ïa ka khusnam ha ka National Level na ka bynta ka jingtreikam ha koit ka khiah lyngba ki Health and Wellness Centre.
Katkum ka kyrwoh ba la phah lyngba ka tnad DIPR, la ong ba ha Meghalaya ki don haduh 448 tylli ki Health and Wellness Centre ba la pyntreikam lyngba ka Ayushman Bharat Comprehensive Primary Health Coverage Program.
ïa kane ka khusnam la pdiang da u Mission Director ka National Health Mission (NHM), Meghalaya, u Ramkumar S (IAS) bad i Dr. Rilynti Lyngdoh, Jt. Director Health Services (MCH&FW) ha ka jingïalang kaba arsngi halor ka phang “Universal Health Coverage Day (UHC) 2022”, kaba la long haVaranasi, Uttar Pradesh ba la pynlong da ka Ministry of Health and Family Welfare jong ka sorkar India.
“Ngi dap da ka jingsngewkmen kaba khraw ba ka jylla ka la ïoh ïa ka jingithuh halor kane ka jingtreikam jong kine ki Centre kiba mynta kiba treikam ki long 425 tylli”, la ong i Dr. Rilynti Lyngdoh. I la ong ba kane kadei ka jingtrei shitom jong ki Mid-Level Health Providers (MLHP) kiba don ha ki shnong ki thaw.
Lyngba ka Ayushman Bharat Comprehensive Primary Health Coverage Program, 114 tylli ki Public Health Centre bad 318 tylli ki Sub-centre la kyntiew kyrdan sha ki AB-HWCs ha ka jylla Meghalaya.
