Shillong Naiwieng 11: Ka Meghalaya Co-operative Apex Bank Ltd. (MCAB) ka la ïoh ïa ka jingjop ne ka khusnam ha ka kyrdan kaba lai ha ka Overall Best Performance hapoh ka Two Tier Structure for the Financial Year 2023-24 ha ka kyrdan jong ka All India level ba la lamkhmat da ka National Federation of State Cooperative Banks (NAFSCOB). Ïa kine ki khusnam yn sa aiti ha ka prokram ka ban long ha kine ki bnai ha New Delhi.
La ong ba na ka liang ka Bank ka la ïoh ïa ka kyrdan ruh kaba nyngkong bad kaba ar ha ka juh ka category na ka bynta ka Financial Years 2021-22 bad kumjuh ruh ha ka snem 2020-21.
Mynta la kumba 50 tylli ki snem jong ka jingdon jong ka, ka Bank ka la lah ban buh ïa kiba bun ki shnat treikam ha kylleng jong ka jylla bad ka la lah ruh ban buh ïa ki kam shakri ha ki kam electronic bad digital banking kum ki ATM, mobile banking bad Unified Payments Interface (UPI).
La ong ba kane ka Bank kadei ruh ka dkhot jong ka Centralised Payment Systems bad dei halor kane ba la ïoh ïa la ka jong ka IFSC. Ha u snem 2019, ka Bank ka la ïohpdiang ïa ka thong kaba kynthup ïa ka Second Schedule sha ka Reserve Bank of India Act, 1934.
