ïoh khusnam 3 ngut ki nongïalehkai Chess ka Jylla Meghalaya ha ka jingïakop lehkai Chess ha Assam

SHILLONG, Naitung 14: Ka Meghalaya Chess Association [M.C.A] ka sngew sarong ban pynbna ba lai ngut ki nongïalehkai jong ka Jylla Meghalaya ki la ïoh ban khur khusnam ha ka “7th Ayodhana International Open FIDE Rating Chess Tournament 2025” kaba la long ha Assam.

  Kane ka lympung ïalehkai Chess ka la sdang naduh 08 tarik haduh ka 13 tarik Naitung, 2025 ha Down Town University, Guwahati..

Kine ki lai ngut kiba la khur khusnam ki kynthup ïa u Rijied Katrai, uba la ïoh ïa ka nam Best North-East, nangta u Khrawkupar Pajat uba la khur ïa ka khusnam Best Below 1599 Rating, bad Ras Lal Upadhyaya ha ka 37th Position.

Na ka liang jong ka Meghalaya Chess Association ka kitbok kitrwiang ïa kaba bha tam ïa ka lawei kaba phyrnai na ka bynta baroh lai ngut ha ka jingïalehkai Chess jong ki.

Kane ka long katkum ka kyrwoh na ka Meghalaya Chess Association.