Jowai, Naitung 18: Ka Jaiñtia Student Union (JSU) Syndai Unit hapoh ka jingïalam u President u samla Pynshailang Suliang lem bad ki Dkhot mynta ka sngi ka la ïoh ban kem ïa uwei u nong Bangladesh uba rung beaiñ shapoh u pud u sam ka Ri India bad uba la wan poi haduh ka Shnong Syndai.
Ka seng mar sien ïoh jingtip ïa kane mar mar ki la leit ban bat noh ïa une u nong Bangladesh bad ka seng ka lap ba une u briew um don ki kot ki sla bad biang bad hadien kane la aiti noh ha Muktapur Petroling Post.
Na ka liang ka seng ka kyrpad jur ïa ka sorkar India bad ïa ka sorkar jylla ban pyndep noh ïa jingker sainar siah ‘International Fencing’ khnang ba ki briew ba wan rung na Bangla kin nym ïoh lad shuh ban wan rung beaiñ sha poh India.
