Nongpoh, Ïaïong 11: Ban dang pyntyllun ïa ka jingshakri na ka bynta ki khun samla bad ruh ban dang kyntiew ïa ka kam ïalehkai Basketball ha Ri Bhoi District na ka bynta ka jingmyntoi ki khun samla, ka Ri Bhoi District Basketball Association (RBDBA) ha ka 8 tarik mynta u bnai ka la lah ban pynthymmai biang ïa ki nongïalam ba pura ka Association ha ka jingïalang kaba la long ha ka ophis u District Sport Offic Kane ka jingjied ïa ki nongïalam ba thymmai ka Association ka dei hadien ba la kut noh ka samoi treikam ki nongïalam barim bad na ka bynta ban dang pynkhlaiñ ïa ka Association ba kan dang lah ban leh shibun ki kam ban myntoi ki khun samla ha ka kam ïalehkai basketball da ka jingïarai lang jong baroh ki nogïalam la lah ban pynthymmai ïa ki nongïalam ba thymmai na ka bynta ban kit ban bah ïa ka lyngkor kum kita ki nongïalam ka Ri Bhoi District Basketball Association.
Kitei ki nongïalam ba thymmai ka RBDBA ki kynthup ïa u President ba la jied ïa u Bah Dipshon Ryntathiang, Vice President, Wanphrang Lyngdoh, General Secretary, Silvester Mynsong, Assistant Secretary, Jebansius Ramshon, Assistant secretary, Ephnas Thangkhiew, Treasurer, Michael Kharhunai, Technical secretary ka Referee Board, William Mynsong bad kynthup kiwei kiwei ki nongïalam bad ki dkhot ka executive Committee.
Ha kane ka sngi la jied ruh ïa ki nongïalam (Official) ka RBDBA na ka bynta ban ïalam ïa ki khun samla ban leit shim bynta ha ka Meghalaya Game ka ban long ha Nongbah Shillong ha ka 2 tarik u Jymmang 2022. Kine ki nongïalam ba la jied ha kane ka sngi ki kynthup ïa u Manager (Men team), Bah M William Nongrum bad u Bah N. Lyngdoh. Na ka liang ki nongmihkhmat ïa ki kynthei la jied ïa ka Kong Jackquiline Lyngdoh bad ka Kong Elizabeth Marten ban long ki Manager na ka liang ki kynhun ïalehkai basketball ki kynthei.
