SHILLONG, Nailur 08 : Ka Rapido, kawei na ki kompany ba heh tam ha India kaba pynïaid ïa ki kali ar shaka, ka la ïoh pdiang haduh kumba ~$200 million ha kaba ïadei bad ka Series E funding, kane kadei u mawjam ba kyrpang ha ka jingïaid lynti jong ka ban wanrah ka jingkylla ha ka jingpynïaid ïa ki kali ban kamai ha kylleng ka ri.
Haba kren shaphang ka jingbei tyngka U AravindSanka, Co-founder jong ka Rapido u ong, “Da kane ka jingbei tyngka, ngi thrang ban nang pynïar ïa ki jingtyrwa jong ngi, bad pyntikna ba ngin lah ban pynbiang ïa ki jingdonkam jong ki nongshong kali kamai. Ha kine ki snem ba la dep, ngi la ïoh mad ïa ka jingkiew ha ka kam, ha kaba ka jingpyndonkam ïa kine ki kali ar shaka ka la kiew shaka 2.5 million man la ka sngi. Kane ka jingbei tyngka kan nang ai bor ïa ngi ban bteng ban wanrah ïa ki but thymmai bad pynbha shuh shuh ïa ka jingshakri jong ngi, bad kan iarap ia ngi ban gin lah ban ai ka jingshakri kaba bha sha baroh ha kaba ïadei bad ka jingpynïaid ïa kine ki ar shaka ha ki jaka sor sha baroh.”
U Sumir Chadha, co-founder bad Managing Partner ha WestBridge Capital, u ong “Ha kine ki san snem naduh ba la sdang ban bei tyngka nyngkong eh ha ka Rapido, ngi la ïohi ïa U Aravind, Pavan, Rishikesh ba ka kynhun ki la pynkylla ïa kane kum ka rynsan ba paw bha ha India kaba lah pynbiang ïa ki kali kamai kiba duna dor. Naduh ki kali kamai ba ar shaka sha ka jingwanrah ruh ïa ka 3W auto bad kiwei ki kali kamai, ka jingkiew jong ki ka long kum ka jingpynpaw ïa ka jingkhlaiñ ha ka rukom treikam bad ka jingtrei tyngeh ban phai khmat sha ki jinghun jong ki nongshong bad ki nongniah. Ngi ai khublei ïa ka kynhun halor ka jinglah ban pynkiew ïa ka pisa, bad mynta ka la buh ïa ka Rapido kum kawei na ki App ba pyndonkam bha da ki briew ha India. Ka jingïoh ïa ka bei tyngka kaba mynta ka pyni ïa ka jingtrei ba radbah jong ngi ïa ka jingïaid lynti jong ki “
