Ïoh ka phlim ‘Rimdogittanga’ ïa ka khusnam Best Garo Film Award ha ka 71stNational Film Awards 2023
New Delhi, Nailar 02 : Ïa ki nongjop jong ka National Film Awards kaba 71 na ka bynta u snem 2023 la pynbna mynta ka sngi da ki kynhun bishar bapher bapher. Mynta u snem, ki khusnam ki la sakhiïa 332 tylli ki jingïashim bynta ha ka thup feature film, 115 tylli ha ki non-feature film, 27 tylli ki kot, bad 16 tylli ki jingai jingmut jong ki Nongbishar.
Ka Rimdogittanga, ka dei ka phlim ha ka ktien Garo, kaba la direk da u Dominic Megam Sangma, ka la ïoh ïa ka khusnam Best Garo Film ha ka National Film Awards kaba 71 na ka bynta u snem 2023. La pynmih da ka Anna Films, Uncombed Buddha, bad ka Joicy Studio, kane ka phlim ka la ïoh ïa ka khusnam Rajat Kamal bad ka song tyngka kaba T. 2,00,00.
Ka 12th Fail ka la shah pynkup burom da ka khusnam Best Feature Film ha ka National Film Awards kaba 71.
Ka phlim “Flowering Man” ka la ïohïa ka khusnam Best Non-Feature Film, katba ka God Vulture and Human ka la ïohïa ka jingithuh kum ka Best Documentary.Baroh ar tylli ki phlim ki la ïoh ïa ka khusnamNational Film Award ba nyngkong eh jong ki.
U Shah Rukh Khan (Jawan) bad u Vikrant Massey (12th Fail) ki la ïoh ïa ka khusnam Best Actor. Kane ka dei ka National Film Award kaba nyngkong eh jong u Sharukh Khan ha ka jingim jongu.
La pynkup burom ïa ka Rani Mukerji da ka khusnam Best Actress namar ka jingtbit jong ka ha ka phlim Mrs. ChatterjeeVs Norway. Kane ka dei ruh ka khusnam ba nyngkong eh jong ka ha ka National Phlim Award.
Ki aktor ba la trei slemu Vijayaraghavan bad u Muthupettai SomuBhaskar ki la ïoh ïa ka khusnam Best Supporting Actor.
Ïa kane la pynbna da u AshutoshGowariker (Feature Film Jury Chairperson), u P. Sheshadri (Non Feature Film Jury Chairperson), bad u Dr.Ajay Nagabhushan MN, Joint Secretary (Films). Ka Mattu J. P. Singh, Director General, PIB, ki la ïadonlang ruh ha kane ka jingïalang.
Ha shwa ban pynbna, ka kynhun ki nongbishar jong ka National Film Awards kaba 71 ka la aiti ïa ka thup jong ki nongïoh khusnam sha u Myntri Sorkar Pdeng u Ashwini Vaishnaw bad u Myntri Khynnah u Dr. L. Murugan.