Shillong, Naiwieng 30 : Ka Kong Badeimon Kharshiing ka la ïoh ïa ka khusnam Best Editor ha ka 10th So Independent International Film Festival (SIFFA – 2025) kaba dei ka film festival kaba heh bha ha United Kingdom.
Lah ban kdew ba ka Kong Badeimon Kharshiing ka dei ka editor jong ka phlim Ha Lyngkha Bneng (The Elysian Field) kaba long kawei na ki phlim khasi kaba la ïoh jingithuh bha bad kaba la ïoh rynsan bha ha bun ki film festival la ka long ha kane ka ri ne wat sha kiwei kiwei ki Ri ruh.
Kane ka phlim kaba la direct da u Bah Pradip Kurbah ka la ïoh shim bynta ha bun ki International Film Festival bad ka la ïoh ruh ïa bun ki khusnam kum ka Best Film bad Best Director ha ka Moscow International Film Festival. Nangta ïa ka khusnam Best Director ha ka 31st Kolkata International Film Festival bad mynta pat sa ka Best Editing ha ka 10th So Independent International Film Festival, UK.
