Nongstoiñ, Ïaiong 29: Ka Hynñiewtrep Youths Council Maweit Circle ha ka 28 tarik, ka la ïoh ban pyntian smai biang ïa ki nongkitkam ba lai jong ka na ka bynta ka samoi treikam 2022-2025. Ïa ka jingpynskhem nongkitkam la ïoh ban pynlong ha Dorbar Hall Madan Syiem bad la pynïaid ïa ka jingïalang da u Samla Wanteibok Lyngdoh General Secretary Hynniewtrep Youths Council West Khasi Hills District.
Hashwa ban pynlong ïa ka jingïalang, la ïoh ban duwai lyngba I Sister Elizabeth Suchiang Headmistress St Merry Higher Secondary School Maweit. Hadien kata la ïoh ban kren maitphang ïa ki nongrim jong ka Seng lyngba u Samla Lumlang Kharsyiemlieh. La ïoh ruh ban kren lyngba ruh lyngba u Samla Aiborlang Diengan Vice President KSU Maweit Circle bad na u Sordar shnong Morningstar Umiong shnong Umtynru.
Hadien kane, la ïoh ban ban pyntian smai ïa ki nongïalam jong ka Hynñiewtrep Youths’Council Maweit Circle lyngba u Samla Roykupar Synrem General Secretary Hynñiewtrep Youths Council Sengkmie. Ki nongïalam jong ka Hynñiewtrep Youths Council Maweit Circle na ka bynta ka Samoi mynta ki long, President Jeremiïa Dkhar, Vice President Pynshai Shyrkon, Vice President Lambha Rongrin, General Secretary Shemphang Tyrsa, Assistant General Secretary George Marweiñ bad kiwei.
