Nongstoiñ, Naiwieng 11: Ka District Legal Services Authority (DLSA), West Khasi Hills, ka la pynïar ïa ka Legal Awareness Prokram sha Maweit mynta ka sngi, ha kaba la ai ïa ki jingtip ba kongsan halor ki aiñ bapher bapher bad ki jingshakri aiñ sha ki nongshong shnong ka thaiñ, Maweit.
Ki riew shemphang ha ka liang ka aiñ, kynthup ïa ka kong F.C. Rymbai, ka CLADC kong V. Kharhari, Deputy CLADC, R. Nongbri, LAC, W. Shabong, DCPO, ki nongmihkhmat na ka tnad Pulit bad ka One Stop Centre, ki la leit sha katei ka jaka ban pynshai halor ki kyndon aiñ ba kongsan.
Kine ki kynthup ïa ka aiñ Juvenile Justice Act 2015, POCSO Act 2012, NDPS Act 1985, ka aiñ khang ïa ka jingshongkha khynnah ne ka Prohibition of Child Marriage Act 2006, bad ka aiñ jong ka jingshah thombor ha ïing ha sem ne ka Domestic Violence Act 2005, kumjuh ruh ki jingtip shaphang ki jingshakri ai jingïarap aiñ ba khlem jingsiew ne ka Free Legal Aid Services.
Kane ka prokram ka la ai jingmyntoi ïa ki nongshong shnong jong ka Maweit, kynthup ïa ki khynnah skul, da kaba pyndap ïa ki da ka jingtip kaba kongsan shaphang ki hok aiñ jong ki bad ki jingïada kiba ki lah ban ïoh.
Ka jingthmu ka thmu kpmg lane ka prokram ka long ban pynkup bor ïa ka imlang sahlang bad ban pynthikna ïa ka jingsngewthuh kaba kham bha shaphang ki aiñ bad ka hok jong ki nongshong shnong.
