Shillong, Naiwieng 09: Ki samla pule kiba stad bad kiba don bun ki sap ki phong napoh ka PM SHRI Jawahar Navodaya Vidyalaya (JNV), Mawphlang, ki la ïohpdiang ïa ka jingjop ha kaba ki la kynjuh sha ka kyrdan kaba halor duh ha kiba bun ki kyrdan ha ki jingïakob ba la pynlong dangshen kaba la tip da ka State Level Kala Utsav -2024 competition kaba la pynlong ha U Soso Tham, Cental Library, Shillong, ha kaba kane ka la kyntiew ïa ka burom jong ka jaka pule.
Ki samla pule kiba la jop ha ki paw ha kane ka sngi ki la long lyngba ki jingïakob bapher bapher kum ha ka Group Song, Solo Song, Group Dance, Solo Dance, Two-Dimensional Art, bad Solo Instrument.
Kane ka jingjop ha ki jingïakob ka la pyni ïa ka jinglah ban pyndonkam bad kumjuh ruh halor ka jingai jinghikai ka jaka pule PM SHRI JNV Mawphlang, ha kaba kane ka pyni ïa ka jingdon sap ki khynnah pule kane ka jaka.
Na ka liang Principal jong ka JNV Mawphlang la pynpaw ïa ka jingsngew sarong halor kane ka jingjop jong ki khynnah pule da kaba ong, “Ka jingjop ki khynnah pule ka la wanrah ka burom ïa ka skul jong ngi bad ka la pyni ba katno ki la trei shitom lyngba ki sap ki phong bad ki jingïaineh jong ki kaba la lam sha kane ka jingmih ki result kiba kham pher. Ngi da sngew sarong shisha bad ngi khmih lynti ba nangne shakhmat kin bteng ban kynjoh sha ka thong.”
