Shillong, Naiwieng 09: Ka Shillong Law College ka la pynlong ïa ka Legal Seminar ha kaba ïadei bad ka jingtip halor ka POCSO Act 2012 bad ïa kane ka prokram la pynlong hapoh ka jaka pule ha kaba la sdang da ki kyntien pdiang sngewbha na Principal Dr. S Uddin bad la pynbud pat da ka jingpynkup burom ïa F S Sangma District bad Session Judge, South Garo Hills.
Ha kane ka seminar la ïoh ka jingbatai kaba bniah halor ka aiñ ban ïada ïa ki khynnah bad ka hok jong ki.
Na ka liang ki samla pule kiba wan ban ïashim bynta ki la pynpaw ïa ka jingsngewkmen hadien ba ki la ïoh ban shim bynta ha kane ka sngi kaba long ruh kum ka lad ban ai ka jingsngewthuh ïa ki, lyngba ki jingbatai jong ki nongkren.
La pynkut ïa kane ka prokram da ka jingkren khublei kaba la ai da ka Claireen Cynthia Fancon, ka nongpynïaid jingïalang, Academic Committee, Shillong Law college.
Ha ka jingïalang baroh kawei, ka seminar ka la paw ba ka long ka jinghikai kaba kordor kaba la pynskhem ïa ka jingdonkam jong ka aiñ, ka jingsngewthuh bad jingkitkhlieh ha kaba pynthikna ïa ka hok bad jingïada ïa ki khynnah.
