Jowai, Jylliew 02: Ka Educational Centre for Social Science Research, Counselling, and Training (ECSSRCT), ha ryngkat ka jingtreilang bad ka Don Bosco Society, Shillong ha kane ka 31 tarik kila pynkut ïa ka prokram ai jinghikai kaba la neh shiteng bnai na ka bynta ki samla bad ki longkmie jong ka thaiñ Laskeiñ Block, halor ka phang kaba ong “Entrepreneurial Adventures for Youth and Women”.
Baroh kiba wan ban ïashim bynta kila don haduh 50 ngut kynthup ïa ki samla bad ki longkmie kiba la ïoh jingmyntoi na kane ka prokram ba kin dang lah ban sei shuh shuh ïa ki sap ki phong ba ki don.
Kiba bun na ki lad ai jinghikai ha kane ka prokram ki kynthup naduh ka jingplie ïa ka Society Computer bad ka Tailoring Centre, nangta la don sa ka prokram orientation programme ban ai jinghikai sha baroh ki nongïashim bynta.
Ha kane ka prokram ‘Summer Camp’ la pynlong ïa ki prokram bapher bapher kaba la sdang naduh ka 19 tarik April haduh ka 31 tarik May.
Lyngba kane ka prokram kala long ka jingmyntoi kaba khraw eh ïa baroh kila wan ban ïashim bynta ba kin ïoh jingtip shuh shuh ban pynpaw ïala ki sap ki phong ïa kiba kila angnud na ka bynta ka lawei jong ki.
