Ïoh jinghikai ki nongshong shnong ka Chilliangraij ban pynïakhlad ïa ki ñiut

0

Jowai, Jylliew 05: Shi bynta ban ai jinghikai ïa ki nongshong shnong ba kin tip kumno ban pynduna na ka jingpynmih ñiut bad ban tip ïa ka rukom pynïakhlad ïa ki ñiut kiba mih na ki ïing ki sem, na ka liang ka Dorbar Chnong Chiliangraij, Jowai, ha kane ka sngi saitjaiñ kala pynlong ïa ka prokram ai jinghikai kaba la long ha Dorbar Hall jong ka shnong.
Ïa kane ka prokarm ai jinghikai la ïatreilang bad ka Seiñ Kynjei ryngkat ka Society for Urban & Rural Empowerment (SURE) kawei na ki kynhun treimon sngewbha kala la pyrshang ban wad ïa ki lad ki lynti naduh ba la mih ka thma ñiut ha sor Jowai bad haka juh ka por kan ïarap ruh kumno ban pynkylla jingbam ïa ki jingri.
Na ka liang ki riew shemphang kiba la wan ban ai jinghikai bniah ki kynthup ïa u Franky Laloo, uba dei u Environment Engineer na ka MSPCB uba la batia shaphang ka rukom treikam jong ka kyndon aiñ Waste Management Rules 2016, katba u Dr. H.H. Mohrmen u Secretary ka SURE ula batia halor ki lad ban pynkylla sboh ïa ki kynja ba pyut bad pynkylla jingbam sniang ïa ki jingbam ba tam kiba mih na ki ïing shetja.
Ka Dorbar shnong ha kane ka sngi kala sam ruh ïa ki borti (dustbin) sha ki spahngut ki longïing jong ka shnong ba kin ïoh ban pynïakhlad ïa ki ñiut na kiba pyut bad ki bym pyut. Ïa ka jingïalang la pynïaid da u General Secretary ka Chiliangraij, u samla Orilan Shylla, ha kaba u Waheh Chnong ka Chilliang Raij ma D.H Pde ula batia shaphang ki jingeh kiba ïa kynduh ha kine ki sngi ba la dep na ka daw ka jingsah kut ki ñiut.

Leave A Reply

Your email address will not be published.