Mawkyrwat, ‘Nailur, 27: Ka Sngap Syiem College, Mawkyrwat kaba dei kawei na ki shlem ai jinghikai ne ka College kaba don hapoh u pud u sam jong ka South West Khasi Hills District ha ka jingwan jngoh ba ar jong ka National Assessment and Accreditation Council (NAAC) ha ka 20 bad 21 tarik u ‘Nailur 2022, mynta ka sngi ka 27 tarik u ‘Nailur 2022, ka la ïoh ïa ka result ne jingpynbna ha ka Grade ‘B’.
Ha ka jingïaid lynti ha ki san tylli ki snem ba ladep, ka kolej ka don ha ka Grade ‘C’ 1.8 cgpa bad mynta ka la kiew ha ka grade ‘B’ 2.24 cgpa.
Halor kane ka bynta kum ka kolej baroh kawei ka la ai khublei ïa baroh ki ki kynhun bapher bapher kiba kynthup naduh ki kmie ki kpa, ki samla pule barim jong ka Kolej, ki sengbhalang, ki rangbah shnong, ki dkhot jong ka Governing Body, ki nongmihkhmat na ka skulbah North Eastern Hill University, ki ophisar na ka Rashtriya Uchchatar Shiksha Abhiyan (RUSA) Cell ka Sorkar Meghalaya, ki samla pule bad khamtam ïa ki nonghikai bad ki nongtrei jong ka kolej kiba la ïatrei shitom ban wanrah ïa kane ka burom jong ka kolej. Kane ka long katkum ka kyrwoh ba la phah da u Principal ka college, u Dr. K.K. Nongsiej.
