Shillong, Naiwieng 24: Ki Pulit ANTF jong ka jylla ha ka jingïadonlang ki nong sakhi bad lyngba ki tyllong khubor ki la leit ban khynra ïa ka ïing jong u Pynsngain Kharkongor ha ka Shnong Lumdiengmet, Umpling ha kaba ki lap ba u la thmu ban leit sam ïa u drok sha ki nongdih drok hapoh ka shnong Umpling Lumdiengmet.
Na ka liang jong ki pulit ki la lap ïa u Bah Pynshngain ha Lumdiengmet Umpling ha ka kali Swift Dzire ka kali rong lieh kaba don u nombar ML 05 R 9778.
Kumba ju long manla ka por, na ka liang ki pulit ki la pynlong ïa ka jingkhynra ïa ka kali ha kaba ki la lap ïa 2 tylli ki synduk sabon kiba don ïa u drok uba khia kumba 22.83 gram.
Ïa u Bah Pynshngain la rah noh da ki pulit na ka bynta ban pynlong ïa ka jingtohkit bad ban leh ïa kaba donkam ha Rynjah PS.
Na ka liang ki pulit ki la kurup noh ïa u suba drok bad la pynngat ïa u hapoh ka NDPS Act ha kaba ïadei bad kane ka kam.
