Shillong, Nailur 01: Ka Hynñiewtrep Youths’ Council (HYC) Mawlai circle ha ka sngi Palei ka la ïoh ban bat ïa ki 10 ngut ki bar jylla ha Mawiongrim katba ki dang wan kiew na jylla Assam kiba thmu ban leit bylla sha Mawbah , Shillong.
Ka HYC ka la kynnoh ba kine ki bar jylla kim don ïa ki kot ki sla kiba biang kum ka work permit katkum ka (Meghalaya Identification, Registration (Safety & Security) Migrant Worker, Rules 2020, ka seng ka la pynlong ïa ka jingtohkit ha katei ka jaka ban pynsahngeh shuwa ïa ki shipor ban thwet ïa ki kot ki sla hapoh ka jingïalam u samla Shan Marweiñ Organising Secretary Mawlai circle.
Ka seng mardor ka la pyntip noh sha ki bor pulit jong ka infiltration halor kine ki nongtrei bar jylla ba la ïoh bat, bad la shimti noh ïa ki da ki pulit bad la bthah ban pynphai noh mardor sha ka jylla Assam.
