Ïoh bat ka HYC ïa ki 7 ngut ki bym dei khasi kiba mut ban leit bylla sha Nongjri-Kulang

Mawkyrwat, Naitung 21: Ka Hynñiewtrep Youth Council jong ka Ranikor Area Unit ryngkat ka HYC Dirang bad HYC Shnong Kalong Unit ki la ïoh bat ïa ki briew bym dei khasi kiba thmu ban leit trei bylla sha Nongjri-Kulang, South West Khasi Hills District.
Ha ka tyllong khubor ba la phah da u bah John Marwein uba dei u President ka HYC jong ka Ranikor Area Unit u la ong ba ka jingïoh bat ïa ki ka dei ka ha ka por kumba 7 baje ei ei janmiet jong ka 19/07/2025.
Ym tang kata, la ong ba ka jingbat jong ki ka long ba kine ki 7 ngut ki ki bym dei khasi ne ki bar jylla ka dei ba kim biang ki kot ki sla ne registration card namar ki thmu ban wan trei sha ki shnong Nongjri-Kulang, South West Khasi Hills District.
Namarkata, ka seng ha ka juh hi ka sngi lyngba ka jingkhmih bniah mar mar ka la ïoh ban pynphai noh ïa ki sha ka jaka ba ki la mih.