Indian Talent Fight Season-II: Yn pyni ïa ki samla nongshad nongrwai ka jylla lyngba ka Aajan TV channel

Shillong, ïaïong: Ka All Meghalaya Dancers Asso-ciation (AMDA) ka ba dei kawei ka seng ka ba bat kum ka Co-ordinator ka jylla Meghalaya jong ka ITF Big reality Show ka Ri India da kane ka pyntip sha ki paidbah ba yn sa pyni lyngba ka tnat telebishon ha u channel Anjan TV bad E24 channel TV ïa ka Semi Final jong ka “Indian Talent Fight Season-II” ha ka 27 tarik mynta u bnai naduh ka por 4baje janmiet ha ka ba yn pyni ïa ki nongrwai khasi kiba leit mihkhmat ïa ka jylla Meghalaya bad ha ka 7 tarik u Jymmang 2022 ha ka 4baje janmiet yn pyni pat sa ïa ki nongshad.
Mynta ka kynti yn sa pyntip artad lyngba ka Tv ïa ki ban ïoh rung sha ka ‘Grand Finale’ jong ka India Talent Fight. Ha kajuh ka por ka AMDA ka pyntip ruh ïa ki ba jop ha ka ‘India Talent Fight’ ki don haduh 17tylli ki jing myntoi ryngkat bad ka con tract bad ka company kum ki celebrity jong ka ri India.
Kumta na ka liang ka AMDA ka kyntu ïa ki paidbah ban tip kham bniah shaphang kitei ki channel phi lah ban phone sha kine ki nombor jong ki dkhot ka AMDA ban ïohi ha ka screen TV 7641920853/8259865297/ 8131934925. Kane ka long katkum ka kyrwoh ba la pyllait da u Social Youth Talented Samla Micky Paul Mawlong.