Shillong, Nailur 23: Ki nonghikai SSA ha ka jylla Meghalaya ki don 12,541 ngut ha kaba ka sorkar haduh mynta kam don kata jingthmu ban ithuh noh ïa ki kum ki nonghikai sorkar, wat la kane ka skhim jong ka sorkar pdeng kan kut ha u snem 2026.
Ha kaba ïadei bad kane na ka liang u Commissioner Secretary ka tnad pule puthi u Vijay Kumar u la ong ba kam dei kaba shisha ban ong ba ka sorkar kan ithuh noh ïa ki nonghikai SSA kum ki nonghkai sorkar.
Ha ka juh ka por la ïathuh ba mynta ka taïew ka sorkar kan sa ïa kren ha kaba ïa dei bad ki nonghikai SSA bad ka jingïakren ka long ruh ha kaba ïa dei bad ki skul kiba hab ha ka SSA ba kumno ban ïaid nangne shakhmat.
Kumba ka long haduh mynta kam pat don kano kano ka jingpynshai na ka sorkar pdeng la kin dang bteng neh pynduh noh ïa kane ka skhim nonghikai SSA, katkum ka skhim kane ka kam nonghikai SSA kan kut ha u snem 2026.
