Nongpoh, Naiwieng 20: Kum ka jingburom ïa ki tymen ki kro kiba shongshang shongprah bad im slem ka rta ha ka imlang ka sahlang, ka Federation of khasi Jaintia and Garo people (FKJGP) Baridua Circle, hynnin ka sngi ha ka jingïalam u Denis Nongrum, President bad ryngkat ka jingdon lang ki dkhot, ki la leit ban jngoh ïa iwei i Meirad iba kynjoh shaduh ka 140 snem ka rta bad ba la tip kyrteng ruh kum i Meirad Thai Sangma, iba shong bas ah ha ka shnong Noksikgittim Kiling ba hap ha ka Raid Marwet ha Ri Bhoi District.
Ha kane ka jingleit leit jngoha ïa I meirad Thai Sangma ha ka ïingsah jong i, ki nongïalam ka FKJGP ki la ai da ka jingai sngewbha ha ryngkat ka song pisa kum ka jingburom ïa ine I meirad ba la tim tymmen bad shong shang shong prah bad ki la leit ban leh burom ruh hadien ba ki la ioh jingtip shaphang ine I meirad iba la im tymmen haduh 140 snem ka rta bad ïa kane ka snem ruh la shu antad.
Ha kane ka jingleit jngoh ïa i meirad Thai Sangma, ka Drith Sangma ubala kynjoh 80 snem ka rta bad kaba dei ruh ka khun i meirad Thai Sangma, la ïathuh ba i meirad Thai Sangma i dei iba wan na ka Shnong Balat bad i la wan poi sha ka thaiñ Killing ha Ri Bhoi, ka dei hadien ba i la wan bud ïa la u lok. I meirad Thai Sangma i don ruh 12 ngut ki khun bad mynta kiba dang im dang sah ki don sa tang 4 ngut.
Shuh shuh, la ïathuh ruh ba na ki 12 ngut ki khun bad kumba long haduh mynta ki la kharoi haduh 400 duna ba kynthup naduh ki khun ksiew, khun miaw bad ki khun khnai, ha kaba mynta ha ka shnong Noksikgittim kiba shong basah ki dei na ka kpoh jong ine I meirad Thai Sangma bad ki don ruh haduh 212 tylli ki longïing bad don pat tang 2 tylli ki longïing kiba ym dei na ka kpoh jong I meirad Thai Sangma.
