Nongstoiñ, Risaw 24: U Bah Shem Rynñiaw u samla rangbah na ka thain Mawshynrut, u la pynbna paidbah ba u la iehnoh ïa ka seng HANM kum u President naduh ka 21 tarik mynta u bnai khlem da don daw ïano ïano ruh. Ha u kyrwoh khubor u la phah ruh ïa ka jingkitbok sha ki nongshong shnong ka Mawshynrut bad ki para dkhot jong ka seng naduh circle haduh central.
Ha u kyrwoh u la ong, “Nga kyntu ïa ki para dkhot ba kin ïai trei shitom bad trei shitrhem khlem da niew shilliang khmat ïa ki paidbah. To tip ba ka jaidbynriew ka donkam ïa ki nongtreikam ki bym salia wat ïano ïano lada ktah ïa ka dong ka thaiñ bad ïa ki para doh para snam jong ka jaitbynriew”.
