Iehnoh kam ki nongïalam ka HANM Dong Riwar Circle, Mawkyrwat bad Shilliang Um Unit

Mawkyrwat, ‘Nailur 07: Ki nongïalam jong kawei ka kynhun sengbhalang ka Hynñiewtrep Achick National Movement (HANM) ha kine ki khyndiat sngi ki la iehnoh ban long kum ki nongïalam ne kum ki dkhot ba pura jong kane ka seng kiba kynthup naduh ka HANM Dong Riwar Circle, Mawkyrwat Unit bad Shilliang Um Unit.
Halor kane ka jingiehnoh, ki la phah da ka jingthoh ha u President bad Secretary jong ka HANM Central Body da kaba ong ba nangne shakhmat kim lah shuh ban ïashimbynta ïa kino kino ki kam jong seng, hynrei ki kitbok ba ïa ki nongïalam bad ki dkhot jong ka HANM baroh kawei ba kin nang lah ban shakri ïa ka Jylla bad ka Jaidbynriew.
Kiba la ieh noh ban long ki dkhot bad nongkitkam jong ka HANM ki long u bah Twalding Thongni uba bat kum u President jong ka Dong Riwar Circle, bah M. Thongni, Working President, u Francis Jyrwa, Vice- President, u Wanboklang Shangdiar, General Secretary, u Amstrong Shylla, Assistant Secretary, Kamborlin Iawphniaw, Publicity Secretary, bah Firstborn Shylla, Assistant Publicity Secretary, u bah K. Myrthong, Finance Secretary, bah Lostar Shangdiar, Sports Secretary, bah P. Lyngkhoi, Education Secretary, bah Nesmanwell Syiemlieh, Assistant Education Secretary, bah R. Shylla bad bah D. Lyngkhoi kiba dei ki Adviser, bah O.M. Shylla, Chief Organiser, bah Phailo Syiemlieh, bah Khrawbor Syiemlieh bad bah Ricky Syiemlieh kiba dei ki dkhot, bad kumjuh u bah Tesmilan Wahlang uba dei u President jong ka HANM Shilliang Um Unit.
Kine ki shnat treikam ki la pynpaw ruh ba kin ym pat lah ban iadon bynta bad kano kano ka kynhun sengbhalang katba kim pat shong jingialang ban ia pyrkhat sani bha.