Jowai, Nailar 10 : Ka lympung ïalehkai phutbol Independence Day Cup Under-17 Football Tournament 2022 bala pynïaid da ka West Jaiñtia District Sports Association (WJDSA), kaba la long mynta ka sngi ha ka jingïakhun ‘Pre Quarter’ ha madan Kiang Nangbah Stadium, Jowai.
Haba phai sha ka jingïakhun ba nyngkong ka kynhun ïalehkai jong ka Lumpariat kala jop da 3-2 kol ïa ka Mookynphad Mihmyntdu, ïa ki kol na ka Lumpariat la thep da u Damehi Dkhar ha ka minit ba 11 & 14 bad u Chijuhlangki Dkhar haka minit ba 50. Ïa ki ar kol na ka Mookynphad Mihmyntdu la thep da u Evening Tariang 42 bad 51.
Ha ka jingïakhun kaba ar ka Dongmihsngi kala jop da 4-1 kol ïa ka Panaliar, haka jingïakhun kaba lai ka Saindur Mihmyntdu kala jop da 3-0 kol ïa ka Sabahmuswang bad ha ka jingïakhun kaba saw ka Mulang Ialong kala lah ban pynliem haduh 5-1 kol ïa ka Ksehsylle Ialong.
