Jowai, Nailur 27: Hadien ka jingïakynduh lang mynta ka sngi ka 27 tarik u Nailur hapdeng ki nong ujor u Dame Phawa bad ka Elut Phawa bad ki nongshah ujor u Ohi Shylla bad u Kynmoo Phawa lem bad ka Seng All Hynniewtrep People United Front (AHPUF) haka jingïakren jong ki, kila poi sha ka jingïasngewthuh jingmut bad ka jingïamap kylliang hapdeng ki arliang mamla.
Halor kane ka jingjia kaba la jia ha ka 25 tarik, hadien ka jingïoh jingtip kaba shai bad kaba tikna kitei ki ar sngi shipara ki don ban pynshai ba u Ohi Shylla kum u Rangbah dong Mookymphad, Mihmyntdu um shym la shoh ne ktah kti ïa u Dame Phawa bad ka Elut Phawa hynrei kidei kiwei pat ki riewshim kabu kiba leh ïakane ka kam ha ka por ba ki dang ïakhajia.
Naka liang ka dong Mookymphad ruh kam don daw ei ei shuh bad kine ki nongshah shoh u Dame Phawa bad ka Elut Phawa, na ka liang jong ka seng AHPUF ka kyntu ïa baroh arliang mamla ba kin ïasuk ïasaiñ bad ban ym ïa buh shun shuh hadien habud ha kaba baroh arliang kila ïahun ïasuk noh khlem kano kano ka jingïa buhnud ne jingïa sngewsih. Ïa kane ka khubor la phah da u Dame Phawa bad ka Elut Phawa.
