Shillong, Nailur 05: Na ka bynta ban pynbha ïa ka jingpynwandur ha ka rukom pyrkhat bad ki kam kiba thymmai, la soi ïa ka Memorandum of Understanding (MoU) hynne ka sngi hapdeng ka Meghalayan Age Limited (MAL), kaba dei ka kompeni ka sorkar bad ka National Institute of Design (NID), Ahmedabad, kaba dei hapoh ka shatri jong ka tnat Promotion of Industry and Internal Trade (DPIIT), Ministry of Commerce and Industry, ka sorkar Pdeng.
Kane ka jingïatehlok ka thmu ban don ka jingïatreilang hapdeng ka NID bad MAL, ka sorkar Meghalaya ban pynshlur ïa ka rukom pyrkhat ha ki kam pynwandur bad ki jingshem thymmai bad ki jingshem phang halor kane ka kam na ka bynta ki kam pynroi ha Meghalaya.
Ïa kane ka MOU la soi hapdeng u Dr Vijay Kumar D, IAS, Commissioner & Secretary, Planning, Investment Promotion, and Sustainable Development Department (PIDSD) & Chairman & Managing Director, Meghalayan Age Limited (MAL), Government of Meghalaya bad u Praveen Nahar, Director of National Institute of Design (NID), Ahmedabad.
Haba kren ha ka jingïalang u Dr Vijay Kumar D, IAS, u la ong ba lyngba kane ka MoU, ka sorkar kylla ka la pynleit jingmut ha ki 3 tylli ki kam kiba hakhmat kaba dei ki kam pynroi ha ka jylla ha ki kam Meghalaya State Design Policy Framework, ka jingkyntiew ïa ki jaka pule halor ka Meghalaya Design Lab, bad ka jingdon ka Shillong kum ka nongbah kaba don ha UNESCO kum ka ‘Design City’ ka ban lam shakhmat halor kane ka bynta.
La ong ba ka por jong kane ka MoU kan long kumba 3 snem bad kane ka long ka sienjam kaba kongsan ban kyntiew ïa ka Meghalaya kum ka pdeng ban kyntiew ïa ki kam design.
