ïasnohktilang ka BAM ka TWS ka ShillongCollege bad ka Meghalaya AIDS Control Society ban pynlong ia ka Inter-College Arm Wrestling Championship 2023

Shillong, Naitung 17: Ka Bouncers Association of Meghalaya (BAM), Treilang Welfare Society (TWS), Shillong College ryngkat bad ka Meghalaya AIDS Control Society ki la ïasnohktilang ban pynlong ïa ka Inter-College Arm Wrestling Championship 2023, bad ka la thmu ban pynlong ha ka 22 tarik mynta u Naitung, naduh ka 8:30 mynstep ha Shillong College.
Ha kaba ia dei bad kane ka jingiakhun kti, na ka liang jong ki nongpynïaid ki la pynkhreh ban pynlong ïa ka jingthew kilo na ka bynta kito kiba wan ban ïashimbynta ha ka 21 tarik mynta u bnai shuwa ban jam sha katei ka sngi, naduh ka por 10 baje mynstep haduh ka por 4 baje ka noh phai sngi ha gallery jong ka madan Malki.
Ka jingthmu jong kane ka Arm Wrestling Championship ka dei ban sei madan ia ki rang bad ki thei ïa khun kti (Arm Wrestling) kiba kynsai jong ka jylla ha kajuh ka por ban ai jing hikai ruh ïa ki kumno ban long adkar ban lait na ka jing pang ñiangkulia, bad ki jingkyrni jong u drok bad kiwei kiwei ki jingdih pynbuaid ha ka imlang ka sahlang.
Namar ka jingkiew sted bad jingsaphriang u ñiang kulia bad ruh ki khynnah kiba la kyrni ha u drok hapoh ka jylla na ka liang jong kitei ki synjuk ki la ïoh ban ïalumlang bad rai ban pynlong da kane ka rynsan ïakop khun kti ha ryngkat ka jing pynsngewthuh paidbah (Awareness Campaign on HIV/AIDS/drugs/Other relevant
issues) halor kine ki mat khnang ba baroh ki nongïashim bynta, ki nong ïa sakhi kin ïoh ka jingpynshai halor kane ka bynta.
Shuh shuh ha kane kane ka sngi, ki samla kiba la khur namjop ha rynsan “Lah-duh na ki Lah-duh (COC – Champion of Champions)” jong ka jingïakhun kti kin ïoh da ka song tyngka.
Khadduh eh, na ka liang jong ki bor pynïaid ki ;a ïoh ban bynta ïa ki kyrdan bapher bapher (Category) ha kane ka Championship.
Na ka thup jong ki Shynrang ki kyrdan ki long kumne harum:
Below 55 kgs kin hap hapoh ka Feather Weigh
Below 65 Kgs kin hap hapoh ka Light Weigh
Below 75 kgs kin hap hapoh ka Mid Weigh
Above 75 kgs kin hap hapoh ka Heavy Weigh
Katba na ka liang jong ki Kynthei ki long kumne harum:
Below 50 kgs kin hap hapoh ka Feather Weigh
Below 55 Kgs kin hap hapoh ka Light Weigh
Below 60 kgs kin hap hapoh ka Mid Weigh
Above 60 kgs kin hap hapoh ka Heavy Weigh