Shillong: Ka Small Industries Development Bank of India (SIDBI), kaba long ka shnat treikam ban ai jingkyrshan pisa na ka bynta ki kam bad ki karkhana kiba rit bha, kiba kham heh bad kiba shu pdeng, ka la rung sha ka jingiasoi ia ka soskular ia sngewthuh jingmut ne Memorandum of Understanding (MoU) bad ka Meghalaya Infrastructure Development and Finance Corporation Ltd. [MiDFC], ka sorkar Meghalaya ban kyntiew ia ki kam bad karkhana kiba hap hapoh ka MSME ha ka jylla
Ia kane ka soskular la iasoi ha ka jingiadonlang jong u Dr. Vijay Kumar D, IAS, Commissioner & Secretary, Finance Department, ka sorkar Meghalaya bad kiwei kiwei ki heh sorkar. Ha kane ka soskular, ka SIDBI bad ka sorkar Meghalaya kin iatreilang ban iarap ban kyntiew ia ki kam bad karkhana barit, bad khamrit bad bapdeng ne ki MSME ha ka jylla.
Ha kane ka sngi, u V. Satya Venkata Rao, DMD, SIDBI u ong ba ka SIDBI ka treikam bha ha ka liang kaba iadei bad ka jingwanrah ia ki kam pynroi na ka bynta ka bha ka miat bad ka jingmyntoi jong kito kiba shna ia ki tiar kti bad ki kam kumjuh ruh ia ki karkhana MSME jong ka jylla khnang ban kyntiew ia ki, ban kyntiew ia ki lad ai kam ai jam bad kyntiew ruh ia ka buit treikam jong ki briew.
U Rao u la pynpaw ba ka SIDBI ka ai jingkyrshan ban buh ia ki Swavalam ban Alternate Livelihood Unit na ka bynta ka EAST (SALUTE) bad yn phaikhmat khamtam ia kito ki khynnah kiba la iehnoh shiteng ia ka jingpule, kiba don sap hynrei ki bym shym pat la ioh ka, kibym pat don kam hynrei ki donkam ia ki jingpyntbit, kiba hap ban mih noh namar ka covid, kito ki bym ioh lad ki bym ioh ka hok jong ki bad kiwei kiwei.
