Shillong, Nailar 28 : Ki khynnah ïalehkai shynrang bad kynthei kiba hap hapoh ka thaiñ Sohra ki la ïashim bynta ha ka pokram wad sap khynnah ïalehkai ne ka Talent Search ba la pynlong da ka East Khasi Hills Cricket Association (EKHCA) kaba la pynlong ha ka sngi Saitjaiñ ha madan Pynshadkhurai.
Ha katei ka prokram la wan ban ïashim bynta da khynnah na kylleng ki jaka jong ka Mawlong ba kynthup na Sohbar, Laityra, Tyrna, Laitkynsew, Ichamati, Majai, Shella bad katto katne ki shnong kiba don marjan bad ka shnong Mawlong.
Ka EKHCA ka la pynlong ïa katei ka prokram na bynta ki khynnah Under-15 ha liang ki shynrang bad ki Under-17 ha ka liang ki kynthei.
