Ïashim bynta ka KVK Jaiñtia Hills ryngkat ki nongrep ha ka Instalment PM Kissan Scheme

Jowai, Nailar 06 : Ka ophis jong ka KVK Jaiñtia Hills, Moopun, Wahiajer, West Jaiñtia Hills ryngkat ka jingïadonlang ki nongrep jong ka thaiñ, kala dep pynlong ïa ka jingpyni paidbah lyngba ka Webcast ïa ka prokram jong u Prime Minister ka ri u Narendra Modi halor ka jingpyllait ïa ka instalment ba 20th jong ka skhim PM Kissan.
La sdang ïa ka prokram da ka jingkren pdiang jong ka kong L.L. Challam kaba dei ka Senior Scientist and Head. Ha ka jingkren kala kong Challam kala batai shaphang ka jingthmu bad ki jingmyntoi ba lah ban ïoh lyngba kane ka PM Kissan Scheme.
Ka la don ruh ka jingpynsngew lyngba ki nongrep kila ïoh jingmyntoi na kane ka skim. La pyni ruh ïa ka phlim (Documentary) kaba pyni ïa ka jingïoh jingmyntoi jong ki nongrep na kane ka PM Kissan Scheme.
Ha shwa jong kane ka prokram kala don jingpynsngewthuh sha ki nongrep shaphang ki jingdonkam kumno ban ïoh ïa kane ka PM Kissan Scheme.
Ki nongrep kiba la poi sha kane ka prokram kila ioh jingmyntoi lyngba ki jinghikai kiba la pynioh ha ki ha ki rukom rep jhur, ka rukom ri jingri bad ka rukom ri dohkha ha ki hali pynthor jong ki.
Nalor kane la sam ruh ïa ki kot lyngkdop sha ki nongrep kiba ai jingbatai shaphang ka rukom rep, ka jingpynneh pynsah ïa ki mar rep bad ka rukom thung jingthung da ki sboh mariang (organic). La pynkut ïa ka prokram da ki kyntien ai khublei lyngba ka Senior Scientist and Head.