Shillong, Ïaïong 08: Ka jingïakhun First Division hapdeng ka Nongrim Hills SC bad Lawsohtun SC ha ka sngi Thohdieng ha madan MFA, Polo, Shilllong kala kut noh da kaba ïasam mar shi point. Kine ki ar tylli ki team kila hap ban ïasam mar shi point hadien ba kila ïakhaid noh da kaba thep mar shi kol.
Haba phai sha ka jingïakhun hapdeng kine ki ar tylli ki team ka jingïalehkai ka long kaba mar ïabiang bor bha ha kaba ha ka kylla step ka jingïakhun kala kut tang ha ki jingpyrshang khlem da don ba lah ban thep kol.
Ha ka jingïalehkai jong ka kylla miet, baroh arliang kila ïakhun tyngeh ban thep kol bad dei ka Nongrim Hills SC kaba la plie pyrda nyngkong lyngba u Phibankhraw Nongkhlaw uba la thep ha ka minit ba 66.
Pynban ka Lawsohtun SC kala ïoh ban pynphai kylla ha ka minit ba 71 ba la thep da u Kampher Khongnoh. Ka jingïalehkai mynta ka sngi Saitjaiñ kan long hapdeng ka Nongthymmai SC pyrshah ïa ka Sawmer SC ha ka por 3:30 baje janmiet.
