New Delhi, Naitung, 05: U Myntri Rangbah Duh, Narendra Modi u la ïaroh ïa ka jinglah jong ka India ban pynmih bun tam ki tiar ïada ri ha u snem 2023-24 kaba la kiew sha ka T 1,26,887 klur, kaba long ka jingkiew kaba 16.8% haba ïanujor bad ka jingpynmih ïa kine ki tiar ha u snem mang tyngka ba la dep.
Ha ka jingïasam ïa ka post ha ka X da u Myntri Sorkar Pdeng ba dei khmih ïa ka tnad Kam Ïada Ri, Rajnath Singh, U Myntri Rangbah Duh u la thoh kumne:
“Kane ka dei ka jingjia kaba ai mynsiem bha. Nga ïaroh ïa baroh kiba la ïadon bynta ha kane ka kam. Ngi ieng skhem ban pynthikna ïa ka jingkyrshan ban kyntiew shuh shuh ïa ka bor jong ngi bad pynlong ïa ka India kum ka nongïalam ha ki kam shna tiar ïada ri ha ka pyrthei. Kane kan pynkhlain ïa ka jingshngain jong ngi bad pynlong Aatmanirbhar ïa ngi!”
