Shillong, Rymphang 3 : U MDC ka BJP na ka Tura Constituency u Bernard N Marak u la ïaroh ïa ka Mang Tyngka jongka Sorkar Pdeng na ka bynta u snem 2026-27 da kaba ong ba ka dei ka mang tyngka na ka bynta ki paidbah kaba phai khmat ban pynkhlaiñ ïa ki dorbar shnong dorbar hima naduh sor haduh nongkyndong.
U la ong ki Dorbar Shnong ki Dorbar Hima ki dei ban shim ka jingkitkhlieh ban pdiang ïa ki jingmyntoi na ka mang tyngka kumba la kren da ka myntri kam pla tyngka khnang ban myntoi ki paidbah.
U la pynpaw ïa ka jingkiew jongka India ha kine ki 12 snem khamtam eh ka jingduna ka jingkiew ki dor ki mur bad wanrah shibun ki jingkylla kumba la seng nongrim kat kum ka Viksit Bharat.
Kane ka jingshim khia ka long da ka thong ban pynthikna ba man la ki thliew ïing, ki shnong ki thaw bad ka thaiñ hi kin ïoh jingmyntoi ha baroh ki liang.
U la ong ruh ka sorkar pdeng hapoh ka jingïalam u Myntri Rangbah duh u Narendra Modi ka pynthikna ïa ka jingbuh thong jongka ban ïarap ïa kiba duk ba kyrduh, ki bym don lad kumba la ïalam bad btin lynti kat kum kata ka Sabha Saath , Sabha Vikas.
