Shilong, Nohprah 02: ”Ka jylla Assam, kadei kawei ka jylla ha India kaba riewspah bha ha ka kam kolshor bad ka Histori, kaba rakhe ïa ka kane ka kam hynne ka sngi. Ba la tip kum ka lynti kaba ruh sha ki Northeast, ka Assam ka la noh synniang bha ïa ka India lyngba ka sha, ka art, ka thoh ka tar, ka cinema bad kiwei kiwei. Ki jinghikai jong Srimanta Sankardev, ka jingshlur jong Lachit Borphukan, ka Bihu bad kiwei kiba don ka jingïapher ïa ki pateng,” ong u Lat ka jylla u CH Vijayashankar haba rakhe ïa ka jingïoh jylla jong ka Assam bad Nagaland ha Durbar Hall, Raj Bhavan ha ka sngi baar.
Ha kane ka prokram la pynpaw ïa ka kolshor, ka History, ka jingnoh synniang ha ka ïoh ka kot jong kine ki arjylla, kiba la pynskhem ïa ka mynsiem halor kawei bad ka jingtehsong ha ka ri.
Ha kane ka prokram u Lat Vijayshankar, u la ong, ”kane kam dei tang ka tarik ha calendar hynrei ka jingpynkynmaw ïa ka jingïaid lynti jinglenlade, ka jingsuk bad ka jingkiew shaphrang bad jinglong kawei ki ne ki jylla.”
Haba kren halor ka jinglong kongsan jong ka Assam ban kyntiew ïa ka ïoh ka kot ka India, u la bynrap ïa ka bor ka ïoh ka kot ka jylla bad ka jingïasoh bad ki thaiñ kum ka païa ha ka ïoh ka roi ka san ha Northeast.
Haba kren shaphang ka jingkiew ka Nagaland, u la ong, “Ha kine snem ba la leit ka Nagaland ka la kiew ha ki kam sengkam la jong, ka music, ka sport, tourism bad grassroot development. Kine ki jop ka dei ki sakhi jong ka mynsiem rai jong ki nonshong shnong ka Naga.”
Haba pynskhem biang ïa ka jingiohi ka ri u lat u la ong, ”Haba ngi rakhe ïa ka jingïoh jylla, ngi pynskhem ïa ka jingshim rai sha ka Viksit Bharat 2047 hapoh ka jingïalam, jong u Myntri Rangbahduh u Narendra Modi. Ka thong jong u ïa ka Ek Bharat Shrestha Bharat ka pynkynmaw ïa ka jingïalong kawei jong ngi ka India kum ka bor kaba khraw.”
U la pynpaw ka jingai khublei ïa ki nongshong shnong ka Assam bad Nagaland.
Haba kren pdiang sngewbha u HC Chaudhary, IFS, Principal Secretary sha u Lat, u la banjur ïa ka jingkongsan ban rakhe ïa ki jingïoh jylla jong kine ki arjylla bad ong ka jingwandur ki jylla ha ka ithuh ha Northeast.
La pyni ïa video ba kyrpang halor ka khubor jong u Lat ka Assam bad Nagaland, pynbud da ka documentary halor ki jingriewspah ka histori kine ki jylla. Ka la don ka jingpyni ïa ka kolshor na ICCR kaba dei ruh ka jingrwai ka kynhun Assamese, ka jingshad na Assamese group dance haba ai burom ïa u Bhupen Hazarika, bad ka jingpyni ïa ka jingrwai Naga.
