Jowai, Nailur 17: Ka Jaiñtia Students’ Movement (JSM) Western Region ha ryngkat ka jingsynran ki Nongïalam ka JSM CB kila ïoh ban ïa kynduh mynta ka sngi ïa u Education Minister u Rakkam A. Sangma lyngba u MLA ka 2 Jowai Constituency ma Wailadmiki Shyl la halor ki jingeh jong ki samla pule kiba duh klas hapoh ka Ri-Lum Jaiñtia kaba shait jia manla u snem.
Ha kane ka jingïakynduh ka seng kala sngew ïoh mynsien halor ka jingkular u ma Wailadmiki Shylla MLA ban shimkhia mardor ïa kane ka kam bad ban wad ki lad ki lynti ïa ki khun samla ka Ri Jaiñtia ba kin ïoh lad ban bteng ïa ka jingpule jong ki.
Na ka liang u u myntri ka tnad pule ka jylla ruh ula kular na ka liang ka sorkar ka dang wad ki lad ki lynti ban pynjanai shuh shuh ïa ka lawei ki samla pule jong ka jylla hi baroh kawei, la pynkut ka kyrwoh bala phah na ka seng.
