Jowai, Naiwieng 30: Ka All Jaiñtia Muster Roll Worker & Labour Union (CEC) ka pynpaw ka jingïaroh bad ai khublei ïa ka kynhun Myntri jong ka sorkar jylla lyngba ka jingïalam u Myntri Rangbah u Conrad K. Sangma ban pyntreikam noh ïa ka Meghalaya Regular Casual Worker Scheme 1996.
Haba ïakren bad u President ka AJMRW&LU ma K.L. Pariat ula ong kane ka jingshim rai jong ka kynhun myntri ha kine ki bnai bala dep ban pyntreikam ïa kane ka skim kan long kum ka lad jingïarap ïa ki nongtrei Muster Roll hapoh ka jylla Meghalaya.
Shuh shuh ula pynshai kane ka skim Regular Casual Worker kan ïarap kyrpang eh ïa kito ki nongtrei Muster Roll kiba la trei ïa ka kam palat ïa ka 10 snem ban ïoh noh ïa ki kam hapoh ka kyrdan Grade-VI kaba long 50 percent lyngba ki tnad sorkar bapher bapher.
Kane ka rai jong ka kynhun myntri ban pyndam noh ïa ka aiñ jong ka snem 2017 ka la ai mynsiem ïa ka seng ki Muster Roll hapoh ka jylla ban kin sngewthuh ïa kane ka aiñ kaba long kyrpang ïa kito kiba la trei palat ïa ka 10 snem kum ki Muster Roll.
