Nongpoh, Ïaiong 25: Ban ïa tynrong lem ïa ka eh ka shon ki paidbah nongshong shnong kiba duk ba kyrduh hapoh ka shnong ka thaw bad ban kyrshan lem ïa ki baduk ba duna ka ioh ka koit, ki khun samla jong ka shnong Sabuda ba hap ha ka Raid Nongtung ha ka thain Block II mynta ka sngi ki la leit ban kner ïa ki lad jingïarap sha ki lai tylli ki longing kiba don hapoh katei ka shnong Sabuda.
Haba leit ban ïarap ne kner ïa kita ki lad jingïarap da ka song pisa, la ïalam da ka Samla Dabilabastar Shabong, Wanda-hun Lyngdoh bad Shanbor kharshiing ba kum ki khun samla ha katei ka shnong khappud ki la lah ban kner lem ïa ka lad jingïarap sha ki 3 tylli ki longing baduk ha katei ka shnong.
Kitei ki longing ba la leit ban ai jingïarap da ki khun samla ka Shnong Sabuda ki kynthup ïa ka longing jong u Bah Standling Khriam, u Bah Barson Lawai bad u Bah Dispar Mukhim, kiba dei ki nongshong shnong katei ka shnoing Sabuda ha katei ka thain khapppud ka Meghalaya bad ka Assam.
Kumba la pynpaw da kitei ki samla, ka daw kaba la pynlong ïa ki kum ki samla katei ka shnong ban leit ai jingïarap sha kitei ki longing, ka dei halor ka nongrim ba ki sngewkhia ban iohi ba kitei ki longing ki duna shisha ka ioh ka kot bad nalor ba ki la don ki khun ki kti ba ki mad jingeh shisha ban pyndap ïa ka ing ka sem.
Kum ki khun samla ki la pynpaw ruh ba kane ka jingthmu jongki ka long tang ban ïa tynrong lem ïa ka eh ka shong jong kitei ki longing bad ki da buhr uh ka jingkyrpad ïa kito kiba don mynsiem ba kin phai khmat lem sha kum kine ki longing kiba donkam shisha ka jingïarap ha ka imlang ka sahlang.
