Nongpoh, Ïaiong 30: Ban ïa tynrong lem ïa ki jingjia ba sngewsih ba la kynduh da kawei ka longïing ha ka shnong Mawskeilum ha Ri Bhoi kiba la duh noh ïa ka ïing ka sem da ka jingshah bam duh ha ka ding, ka HYC Ri Bhoi Sepngi ha ka sngi Thohdieng ka la leit ba kner lem da ki jingïarap sha katei ka longïing.
Na ka liang ka HYC Ri Bhoi Sepngi ka la synñiang ïa katei ka longïing haba leit ban ai jingïarap ka la ïarap da u khaw, ki tiar ïing kum ki khiew ki siang, kaba long shi bynta ba kum ka seng ka don kajingsngewkhia hadien ba katei ka longing ka la duh lut ïa ki jingdon jingem na ka jingshah bamduh ha ka ding.
La ïalam ruh ha kane ka sngi ban leit aiti ïa kitei ki marbam bad ki khiew ki siang da ka jingïalang u samla John Makri, Publicity Secretary ka HYC Ribhoi Sepngi ha ryngkat ka jingdon alng u samla Budiman Rympei bad i Aiborlang Ryntathiang lem bad ka jingdon lang u Sordar ka shnong Mawskeinlum, u Bah Dral Pator. ha ryngkat ka jing donlang u Sordar jongka shnong Mawskeilum, u Bah Dral Pator.
Ha kawei ka bynta, ka seng HYC Ri Bhoi Sepngi ka la kyntu ruh ïa ki paidbah ka dong bad ka thain ba kim dei ban thang khlaw pathar bad busien kane ka wan rah kajingjia ba sngewsih tang na ka daw ka jingleh khlem akor ban shu thang ïa ki khlaw ki btap bad kum ka seng ka pan ruh ka jingïatrei lang na ka bynta ban khanglad ïa ka jingthang khlaw kaba pynjot ym tang ïa ka mariang bad kane bunsien ka wan rah ruh ki jingjia ba sgewsih ban shu pluh ei ki ing ki sem jong ki nongshong shnong.
