Ïap u hynmen ba shah mait da u sdie ha la u para

0

Shillong, Naitung 27: Kawei na ki jingjia ba pynkyndit, uwei u khynnah ba dang 17 snem ka rta la kynnoh ba u la shoh bad pynïap ïa la u jong u hynmen da kaba mait da u sdie, ha kaba kane ka la jia Deran Gittim, Chitoktak, Tura.
U tei u lanot u la khlad noh hadien jong ka jingmynsaw kaba jur na ka daw ka jingshah mait da u sdie. Katkum ki tyllong khubor la ïathuh ba kane ka jingjia ka la jia hadien jong ka jingïakynroi hapdeng kine ki arngut bad la kynnoh ruh ba utei u hynmen ha katei ka por u la buaid kiad bha.
Hadien ka jingdom bad bitar, utei u para, la kynnoh ba u la mait ïa la u jong u hynmen da u sdie. Ïa utei u lanot la pynkitnoh mardor sha Tura Civil Hospital, hynrei na ka liang ki doktor ki la pynbna ba u la lah khlad lypa.
Hadien kane ka jingjia, utei uba la shah kynnoh u la phet na katei ka jaka hynrei kham hadien pat la wanrah noh hakhmat ki pulit ha Chandmary Beat House da ki dkhot ka ïing ka sem.
La ïathuh ba na ka liang ki pulit ki la rah noh ïa utei uba la shah kynnoh ban tohkit bad halor kane ka jingjia ki pulit ki dang wad ïa ki daw kaba la pynlong ïa utei u ba la shah kynnoh ban shim ïa kane ka sienjam ban pynïap syndon ïa la u jong u hynmen.

Leave A Reply

Your email address will not be published.