Nongpoh, Nailur 23: Bun tylli ki sñiang ki la ïap mynta ka sngi ha ka shnong Mawkangi ha Ri-Bhoi bad kiwei kiwei ki shnong ba marjan kaba la wanrah ruh ka jingduh nong kaba khraw bad ka jingpangnud ïa ki nongri sñiang kiba la ri shitom bad pynheh pynsan ïa ki.
Katkum ka jingtip ba la ioh lum la ong ba ki sñiang naduh kiba dang rit haduh kiba heh ki ïap ba la suba ruh ba kadei ka jingpang African Swine Fever kaba dei ka jingpang jong ki sñiang ba la ju wanrah ka jingiap ba shyrkhei jong ki sñiang na ka por sha ka por.
Na ka liang ki nongri sñiang ki la pynpaw ba kane ka jingïap ki sñiang ka la wanrah ka jingduhnong kaba khraw ïa ki nongri bad kyrpad ruh ïa ka sorkar bad kumjuh ruh ka tnad Veterinary ba kin shimkhia ban leh eiei khamtam ban ïarap ïa ki nongri sñiang.
