Ïalum lang ki nongshim bynta ha ka kam rep Organic na kylleng ka pyrthei ha Shillong

Shillong, Naiwieng 29: Ka Northeast India Organic Week kaba nyngkong, ka IFOAM World Organic Youth Summit kaba saw, bad ka APEDA Buyer-Seller Meet ki dang long ha nongbah Shillong naduh ka 28 tarik Nailur haduh ka 1 tarik Nohprah 2025.
Ïa kane ka jingïalang yn plie paidbah lashai ka sngi ha Courtyard by Marriott, Shillong ha ka jingïadonlang ki heh ophisar na ka Sorkar Meghalaya, ki nongmihkhmat na ka Tnad ka rep ka riang & ka bha ka miat jong ki nongrep, Sorkar India, bad kiwei ki riew pawkhmat.
Kane ka jingïalang kaba saw sngi kan wanrah lang ïa ki nongthied ba hakhmat eh, ki nongwanrah mar, ki kynhun jong ki samla na kylleng ka pyrthei, ki riewshemphang ha ka kam rep organic, bad ki nongïashim bynta na Bhutan, China, Indonesia, Italy, Japan, Malaysia, Maldives, Mongolia, Nepal, New Zealand bad Taiwan.
Ha kane ka prokram yn don ki jingïalang kiba heh, ki jingïakren shaphang ki kam, ki jingpyni ïa ka kolshor, bad ki jingleit jngoh ïa ki jaka ba la saiñdur khnang ban pyni ïa ki lad ha ka kam rep organic, ka jingpynkhreh ïa ka ïew bad ki khana jingjop jong ka thaiñ shatei lammihngi jong ka India.