Shillong, Ïaïong 19: Ka Meghalaya kala pynhap lut baroh ki wicket ka Mizoram bad ai kamai 226 ron ha ka sngi ïakhun kaba nyngkong jong ka lympung ïalehkai Col CK Nayudu Trophy na ka plate group ha ka jingïalehkai ha ka sngi Ba-ar ha Cuttack.
Ka Mizoram kaba la jop ïa ka jingkynting pisa kala kam ban tied nyngkong hynrei kala duh wicket noh khlem pat kamai ron ha ka over kaba nyngkong kata ha ka kti jong u Abhishek Kumar, uba la pyndep da 2/25.
Ka Mizoram kala sdang biang ban tied bad ap haduh u K Vanrotlinga uba wan ban tied ha ka bynta ba 9 bad u kamai da 52 ron khlem hap wicket.
U Bipin Kumar Ray (3/57) bad u Agreas Chamcham Sangma (3/72) kiwei ki rangkawang bol ba kynsai bha jong ka Meghalaya, katba u Mickey Marngar u ïoh (1/33).
Ka Mizoram ka hap ban kawang 74 over, bad ka Meghalaya kaba la wan ban tied ka kamai 19 ron khlem da shah pynhap wicket bad donkam sa 207 ron. Kiba kamai ron ki kynthup ïa u Arien B Sangma (9 not out) bad u Ibitlang Thabah (10 not out).
