Shillong, Naitung 15: U Myntri Rangbah ka jylla u Conrad K Sangma ha ka sngi nyngkong u la leit ban ïakynduh ïa u Myntri Rangbah Duh jong ka Ri India u Narendra Modi ban ai khublei ïa u halor ka jingshah jied ha ka sien kaba lai kum u Myntri Rangbah Duh jong ka Ri India.
Ïa kane ka jingïakynduh u Myntri Rangbah ka jylla Meghalaya u Conrad K Sangma bad u Myntri Rangbah Duh jong ka Ri u Narendra Modi la pynpaw ha ka X ka jong u mynta ka sngi ba ki la ïakynduhlang ha Delhi.
U Myntri Rangbah ka jylla u la ïakynduh ruh ïa u Myntri Kam Pohïing ka sorkar pdeng u Amit Shah ha kane ka jingleit jong u sha Nongbah Delhi, kane ka jingïakynduh ka long ban ai khublei ïa u ba u la u shimti ïa kane ka kam kum u Myntri Kam Pohïing.
Kiwei pat ki lad khubor ki la pynsngew ba kane ka jingïakynduh ka long ha Nongbah Delhi ha ka sngi Nyngkong, ka long ym tang ban ai khublei ïa u Myntri Rangbah duh ka ri hynrei ban ïakren ha kaba ïadei bad ki kam pynroi ha kane jylla Meghalaya.
