Shillong, Nailar 16: U Myntri khynnah ka Tnat ka Rep ka Riang ka sorkar pdeng u Ram Nath Thakur, ha ka sngi Thohdieng, u la wan ïakynduh ïa u Lamphang ka Ïingdorbar Thawaiñ ka Jylla u Thomas A. Sangma ha Administrative Block jong ka Ïingdorbar Thawaiñ ka Jylla, ha Khyndailad.
Katkum ka kyrwoh khubor na ka sorkar la ong ba ha kane ka jingïalang la donlang ruh u Deputy Speaker ka Jylla Timothy D Shira, Myntri ka Sorkar Marcuise N Marak bad u Commissioner & Secretary ka ïing dorbar thawaiñ u Bah Andrew Simon.
Ha kane ka jingïakynduh u Ram Nath Thakur u la ïa shim bynta ha ka jingïakren halor ka ïing dorbar thawaiñ jong ka jylla Meghalaya bad kiwei kiwei pat ki bynta kiba donkam jong ka jylla.
