Shillong, Risaw 29: Ka Kynhun jong ki Nongïalam ka Federation of Khasi States, ha ka jingïalam u Dr. KM Syiemlieh, President, ka la ïakynduh ïa u Lat ka jylla, u CH Vijayashankar ban ïakren halor ki ka jingtreikam ki riti ki dustur ha ka jylla.
Kane ka jingïakynduh ka long ban pynsngew bad ban ïathuh ha u Lat halor ka jingriew spah ki riti ki dustur jong u Khasi Khara. Na ka liang u Lat u la pynpaw ka jingsngewkmen ban ïakynduh ïa u nongïalam jong ka Synjuk ki Nongsynshar Hima Khasi ka ban ïarap ïa u ba un tip shapang ka rukom synshar tynrai ha kane ka jylla kaba long kaba kyrpang bad ba donnam.
