Ïakynduh DC ka MeFILMA bym ioh shim bynta ki riew donsap na Ri-Bhoi haka tamasa Cherry Blossom

Nongpoh, Nailur 19: Ka Meghalaya Film Makers Association, Ri-Bhoi Unit mynta ka sngi kala leit ban ïakynduh syndon ïa u Abhilash Baranwal Deputy Commissioner ka Ri-Bhoi District halor ka jingbym ioh ïashim bynta ki riew donsap na Ri-Bhoi (Local Artist) haka tamasa Cherry Blossom bad kiwei kiwei ki tamasa haka jylla.
Haba kren sha ki lad pathai khubor, naka liang u Bah Lansius Syiemlieh President jong ka MeFILMA Ri-Bhoi Unit u la ong b akum ka kynhun hi ka pynpaw ka jingsngewkhia halor ka jingbym ioh ïashim bynta ki riew donsap na Ri-Bhoi haki tamasa bapher bapher jong ka jylla khamtam ka tamasa Cherry Blossom kaba yn sa pynlong ha Ri-Bhoi District.
U la ong ruh ba ha katei ka jingleit kynduh bad u DC ka Ri-Bhoi kala long kaba seisoh ha kaba u Deputy Commissioner u la shimkhia ban ïakren bad ki bor bahalor ban pynrung lang ïaki riew don sap na Ri-Bhoi namar ki don shibun ki riew donsap na Ri-Bhoi District kiba lah ban shimbynta haki rynsan bad ki tamasa bapher bapher.