Jowai, Jylliew 27: Ka West Madan Mustem bad ka Caroline Colony kila poi noh sha ka jingïakhait da mar shi kol, haka sngi sdang ka ‘5th Debo Shullai Memorial Trophy’ 2nd Division Football Tournament-2020 bala pynïaid da ka West Jaiñtia District Sports Association (WJDSA) mynta ka sngi 27 tarik ha madan Kiang Nangbah Stadium Jowai.
Haba phai sha ka jingïakhun mynta ka sngi ka kynhun ïalehkai jong ka West Madan Mustem kala ïoh ban thep ïa ka kol ba nyngkong jong ka lyngba u Develence Shylla ha ka minit ba 28 jong ka kylla step.
Hynrei na ka liang ka kynhun Caroline Colony kala ïakhun tyngeh ban pynphai ïa katei ka shikol bad dei lyngba ka jingïakhun jong ka kylla miet kala ïoh ban pynphai ïa katei ka shikol lyngba u rangïalehkai u Famous Pasleiñ ha ka minit ba 65 bad haduh ba kut ka por jongïakhun kaba neh da 1-1 kol. Lashai ka sngi 28 tarik ka jingïakhun kan long Lumpariat pyrshah ïa ka Khliehïongriang ha ka por 3 baje nongphai sngi.
